İraqın qərbində ABŞ-ın rəhbərlik etdiyi beynəlxalq koalisiyanın istifadə etdiyi Ayn əl-Əsəd hərbi bazasına raket zərbələri endirilib.

Senzor.az “Al Arabiya”ya istinadən bildirir ki, güclü raket hücumu nəticəsində Birləşmiş Ştatların bir neçə hərbçisi yaralanıb.

Qeyd edilir ki, ABŞ əsgərləri yüngül xəsarətlər alıb, İraqın təhlükəsizlik qüvvələrinin bir əməkdaşı isə ağır yaralanıb.

İraq polisinin sözçüsü AFP-yə bildirib ki, Ayn əl-Əsəd hava bazası Ənbar vilayətindən atılan 15 raketlə vurulub.

Onun sözlərinə görə, 13 raket hava hücumundan müdafiə sistemləri tərəfindən vurulub, lakin “ikisi aviabazaya düşüb”.