Kanada hakimiyyəti Türkiyəyə “Bayraktar” pilotsuz uçuş aparatları (PUA) üçün komponentlərin tədarükünə qoyulan qadağanı ləğv edir.
“Reuters” bildirir ki, tərəflər bu barədə yanvarın əvvəlində razılığa gəliblər.
Müqavilənin şərtlərinə görə, Ankara İsveçin NATO-ya üzvlüyünü təsdiqləmə prosesini nəhayət başa vurduqdan sonra ixrac bərpa edilməlidir.
Ottava türk PUA-larının Kanada komponentlərindən istifadəsi ilə bağlı həm də daha çox şəffaflıq tələb edib.
Qeyd edək ki, Kanada bu qadağanı 2020-ci ildə Azərbaycanın 44 günlük Vətən müharibəsi dövründə Türkiyə PUA-larından istifadə etməsindən sonra tətbiq edib.
