Türkiyənin regional aktora çevrilməsinin qarşısını almaq istəyənlər var.

Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan İzmir şəhərində çıxışı zamanı deyib.

O bildirib ki, bəzi güclər Türkiyənin güclənməsinə, inkişafına mane olmaq niyyətindədirlər: “Terrorla, çevriliş və xaos cəhdləri ilə Türkiyəyə qarşı oyun oynamaq istəyənlər var. Bu işlərdə əli olanlar layiqli formada cavablarını alırlar”.

Türkiyə Prezidenti onu da vurğulayıb ki, Qafqazda, dünyada baş verən bütün hadisələri, o cümlədən Rusiya-Ukrayna müharibəsində yaşananları diqqətlə izləyir, zərurət olduqda operativ reaksiya verirlər. 

R.T.Ərdoğan xüsusi xatırladıb ki, rəsmi Ankara bütün məsələlərdə başqa dövlətlərin yox, öz millətinin iradəsi ilə addımlar atır.