Şimali Koreya şərq sahillərindən bir neçə qanadlı raket buraxıb.
Bu barədə "Yonhap" agentliyi Koreya Respublikası Silahlı Qüvvələrinin Baş Qərargah Rəisləri Komitəsinə istinadən məlumat yayıb.
Məlumata əsasən, buraxılış yerli vaxtla saat 08 radələrində baş tutub. Raketlərin Sinpo liman şəhəri ərazisindən Yapon dənizi istiqamətində buraxıldığı ehtimal edilir.
Cənubi Koreya ordusu qeyd edib ki, monitorinqi gücləndirib və KXDR-in addımlarını izləyir və “öz addımlarını ABŞ-la yaxından əlaqələndirir”.
