Gürcüstanın sabiq prezidenti Mixail Saakaşvili Aleksey Navalnının ölümündən təəssüfləndiyini bildirib və Rusiyadakı digər siyasi məhbusların azadlığa buraxılmasına çağırıb.
“Aleksey Navalnı Putin rejiminə qarşı böyük müqavimət qəhrəmanı idi. Onun ölümü böyük faciədir, lakin onun yaxınlaşması çoxdan gözlənilirdi.
Keçmişdə Alekseylə aramızda fikir ayrılıqları olmuşdu, lakin mən onun cəsarətinə, böyük istedadına heyran idim və Putinin dəstəklədiyi oliqarx Bidzina İvanişvili rejiminin həbsxanasında mənə qarşı pis rəftara görə mənimlə həmrəy olduğunu ifadə etməsini çox yüksək qiymətləndirdim.
İndi mən Qərbi və Münhen Təhlükəsizlik Konfransının iştirakçılarını ən azı Vladimir Kara-Murzanı, İlya Yaşini və Rusiya rejiminin digər siyasi məhbuslarını xilas etməyə çalışmağa çağırıram.
Həm də məni xilas etməyə çalışın. Mən də Vladimir Putinin şəxsi məhbusuyam və bütün dünyanın gözü qarşısında həbsxanada zəhərlənmişəm. Bəlkə Putinin ölüm siyahısında növbəti yerdə mənəm?” - Gürcüstanın eks-prezidentinin Brüsseldə jurnalistlər üçün dərc olunmuş bəyanatında deyilir.
Senzor.az
