UEFA Avropa Liqası “X” sosial şəbəkəsindəki hesabında Azərbaycanın “Qarabağ” futbol klubu ilə bağlı paylaşım edib.
Paylaşımda “Qarabağ”ın öz meydanında keçirdiyi son 26 oyunda qələbələri xatırlanıb.
““Qarabağ” öz meydanında keçirdiyi UEFA-nın son 26 oyununun yalnız ikisində məğlub olub”, - UEFA Avropa Liqasının paylaşımında vurğulanıb.
Qeyd edək ki, “Qarabağ” fevralın 22-də Tofiq Bəhramov adına Respublika stadionunda UEFA Avropa Liqasının pley-off mərhələsinin cavab matçında Portuqaliyanın “Braqa” klubunu qəbul edəcək. İlk matçda Ağdam təmsilçisi 4:2 hesablı qələbə qazanıb.
