Almatıda Azərbaycan və Ermənistan XİN rəhbərlərinin danışıqları başa çatıb.
Senzor.az xəbər verir ki, danışıqlar 4 saatdan çox davam edib.
**15:47
Almatı görüşü Azərbaycanla sülh müqaviləsinin razılaşdırılmasına yönəlib.
Bu barədə Ermənistan xarici işlər naziri Ararat Mirzoyan Azərbaycan XİN rəhbəri ilə görüşdən əvvəl çıxışı zamanı bildirib.
Onun sözlərinə görə, tərəflər yalnız sülh müqaviləsi ilə kifayətlənmək istəmir. Belə ki, erməni nazir, eyni zamanda, regionda nəqliyyat kommunikasiyalarının bərpasının tərəfdarı olduqlarını vurğulayıb.
**
Azərbaycan və Ermənistan xarici işlər nazirləri arasında ikitərəfli görüş başlayıb.
APA xəbər verir ki, görüş Qazaxıstanın Almatı şəhərində keçirilir.
Qeyd edək ki, ikitərəfli görüşdən daha əvvəl Qazaxıstan xarici işlər nazirinin iştirakı ilə üçtərəfli görüş keçirilib.
**14:19
Almatıda Azərbaycan və Ermənistan xarici işlər nazirləri arasında görüş başlayıb.
APA xəbər verir ki, “Sülhün və dövlətlərarası münasibətlərin təsis edilməsi haqqında ikitərəfli Saziş” layihəsi üzrə danışıqların növbəti raundu keçirilir. Görüş Almatıda keçirilsə də, Qazaxıstan tərəfi vasitəçi deyil.
