İranın dövlət işlərində heç bir axsama olmayacaq.

Senzor.az bildirir ki, bunu İranın Ali Lideri Ayətullah Seyid Əli Xamenei bu gün Silahlı Qüvvələrin rəsmiləri ilə görüşündə deyib.

Onun sözlərinə görə, İran xalqı nigaran və narahat olmasın. Hamı bu xidmətçilər üçün dua etsin: “Ümid edirik ki, Allah Prezidenti və onun yoldaşlarını millətə qaytaracaq”.

Qeyd edək ki, indiyədək əraziyə 20 xilasetmə qrupu göndərilib, lakin ərazinin keçilməzliyi və əlverişsiz hava şəraiti, xüsusən də qatı duman səbəbindən axtarış-xilasetmə əməliyyatı hələlik nəticə verməyib.

**19:54

İran lideri Ayətullah Əli Xamenei Prezident İbrahim Rəisinin helikopterinin qəzaya uğraması xəbərindən sonra ölkənin Təhlükəsizlik Şurasının fövqəladə iclasını keçirib.

Bu barədə TASS "Tehran Times" qəzetinə istinadən məlumat yayıb.