Azərbaycanın kişilərdən ibarət 3x3 basketbol millisi Avropa Kubokunun təsnifat mərhələsində final oyununa çıxıb.
Senzor.az bildirir ki, Kosovonun paytaxtı Priştina şəhərində təşkil olunan mərhələdə kişi yığmamız həlledici görüşdə Kipr seçməsi ilə üz-üzə gəlib.
Rəqibini 20:18 hesabı ilə üstələyən milli komanda Avropa Kubokunun final mərhələsinə vəsiqə qazanıb.
Qeyd edək ki, Avropanın ən güclü 3x3 basketbol yığmaları 22-25 avqustda Avstriyanın paytaxtı Vyana şəhərində təşkil olunacaq Avropa Kubokunun oyunlarında iştirak edəcəklər.
Onu da qeyd edək ki, bu gün Azərbaycanın qadınlardan ibarət 3x3 basketbol millisi də Avropa Kubokunun təsnifat mərhələsinin qalibi olub. Belə ki, komandamız finalda Kipri 21:12 hesabı ilə məğlub edərək, Avropa Kubokunun final mərhələsinə vəsiqəni təmin edib.
