İrəvanın Baqramyan prospektində aksiya keçirən “Vətən uğrunda Tavuş” hərəkatının iştirakçıları Hökumət binasına doğru hərəkət edirlər.

Senzor.az bildirir ki, bu barədə Ermənistan mətbuatı xəbər yayıb.

Arxiyepiskop Baqrat Qalstanyanın sözlərinə görə, baş nazir Nikol Paşinyan Hökumət binasındadır.

"Hökumət binasına doğru irəliləyəcəyik. Görəcəyik o (Paşinyan - red.) ordadır, ya yox", - arxiyepiskop deyib.

Qalstanyanın sözlərinə görə, bəlkə də onlar binaya yaxınlaşanda Paşinyan binanı tərk edəcək. Etirazçılar gecəni çadır düşərgəsində keçirmək niyyətindədirlər.

Bundan əlavə, Qalstanyan sabah səhər hökumətin iclası ərəfəsində etirazçıları yenidən Hökumət binası qarşısında toplaşmağa çağırıb.

Qeyd edək ki, bu arada polis qüvvələri də etirazçıların indi yürüş etmək istədikləri Hökumət binasının mühafizəsinə cəlb olunurlar.