ABŞ-ın sabiq prezidenti və prezidentliyə namizədi Donald Tramp bildirib ki, noyabrda keçiriləcək seçkilərdə qalib gəlsə, dərhal Rusiya və Ukrayna liderləri ilə şəxsən əlaqə saxlayacaq və onları danışıqlara başlamağa çağıracaq.
Senzor.az yerli KİV-ə istinadən bildirir ki, Donald Tramp bunu canlı yayımda Edin Rossun suallarını cavablandırarkən deyib.
“Seçkilərdə qalib gəlsəm, ilk işim Putin və Zelenski ilə əlaqə saxlamaq olacaq. Mən onların hər ikisini çox yaxşı tanıyıram və bunu etməyə nail olacağam", - deyə Tramp vurğulayıb.
O həmçinin bildirib ki, qalib olacağı təqdirdə bu məsələni hətta andiçmə mərasimindən əvvəl həll edəcək.
Bundan başqa, Tramp ABŞ prezidenti Co Baydenin hazırkı administrasiyasının siyasəti sayəsində başlaya biləcək üçüncü dünya müharibəsinin qarşısını alacağına da söz verib.
