Bu gün Azərbaycan Milli İstiqlal Partiyasının (AMİP) Mərkəzi Qərargahında ATƏT-in Demokratik Təsisatlar və İnsan Hüquqları Bürosunun uzunmüddətli müşahidə missiyasının nümayəndələri - ABŞ-dan olan Laura Villalba və Norveç təmsilçisi Tomas Hug ilə  partiya rəhbərliyinin  görüşü keçirilib. 

Bu barədə Senzor.az-a AMİP-in Mətbuat xidmətindən məlumat verilib. 

Görüşdə AMİP sədri, 27 saylı Sabunçu İkinci Seçki Dairəsindən Milli Məclis (MM) üzvlüyünə namizəd Arzuxan Əlizadə, AMİP sədrinin beynəlxalq məsələlər üzrə müavini, 16 saylı Yasamal İkinci Seçki Dairəsindən MM üzvlüyünə namizəd  Elşən Mustafayev və AMİP Ali Məclisinin sədri, Naxçıvan MR Ali Məclis üzvlüyünə namizəd Rəşad Bayramov iştirak ediblər. 

Görüşdə növbədənkənar parlament seçkiləri, seçki prosesinin gedişatı və eləcə də partiyanın seçkiyə hazırlıq məsələləri ətrafında fikir mübadiləsi aparılıb.

Senzor.az