Türkiyə Silahlı Qüvvələri İraqın şimalında PKK terror qruplaşmasının 21 mövqeyini dağıdıb.
Senzor.az yerli KİV-ə istinadən bildirir ki, məlumatı Türkiyə Milli Müdafiə Nazirliyi yayıb.
Bildirilib ki, Türkiyə Silahlı Qüvvələrinin havadan endirdiyi zərbələr nəticəsində İraqın şimalında yerləşən Metina, Qara, Hakurk və Kandil bölgələrində terrorçuların 21 mövqeyi dağıdılıb, çox sayda terrorçu öldürülüb.
Əməliyyat Türkiyə istehsalı olan sursatlardan maksimum istifadə edilməklə həyata keçirilib.
Qurum Türkiyə Silahlı Qüvvələrinin bölgədə terror təhlükəsinin aradan qaldırılması üçün əməliyyatları davam etdirəcəyini vurğulayıb.
