"Türkiyə regionda əsas oyunçu kimi sülhün bərqərar olunmasında, o cümlədən Ermənistan və Azərbaycan arasında sülh müqaviləsinin imzalanmasında iştirak etməlidir".

Senzor.az yerli KİV-ə istinadən bildirir ki, bunu Ermənistan parlamentinin müdafiə və təhlükəsizlik komissiyasının rəhbəri Andranik Koçaryan deyib.

Deputat Ermənistanın baş naziri Nikol Paşinyanın Türkiyə Prezidenti Rəcəb Tayyib Ərdoğandan rəsmi Bakı ilə danışıqlarda kömək istəməsi ilə bağlı xəbərləri müsbət şərh edib.

O qeyd edib ki, Türkiyə regional proseslərdə açar rolunu oynayan iştirakçıdır və Azərbaycanın ən yaxın müttəfiqidir: "44 günlük müharibə zamanı biz bunu kəskin şəkildə hiss etdik... Amma sülhə nail olmaq üçün bütün mövcud resurslardan istifadə etməliyik və Türkiyənin də proseslərdə iştirakı lazımdır”, - Köçəryan vurğulayıb.