Dağıstan hakimiyyəti sentyabrın 28-ni Mahaçqala ətrafında yanacaqdoldurma məntəqəsində baş vermiş partlayış nəticəsində çoxsaylı insan itkisi ilə bağlı matəm günü elan edib.
Senzor.az bildirir ki, bu barədə regionun rəhbəri Sergey Melikov Telegram kanalında məlumat verib.
Xatırladaq ki, Mahaçqalanın kənarındakı Novı Xuşet kəndində - federal magistral yolda yerləşən yanacaqdoldurma məntəqəsində partlayış və ardınca yanğın baş verib. Fövqəladə Hallar Nazirliyinin son məlumatına görə, ikisi uşaq olmaqla 10 nəfər ölüb, daha 11 nəfər isə yaralanıb.
İlkin məlumata görə, partlayış yanacaqdoldurma məntəqəsində benzinin alışması nəticəsində baş verib.
