ABŞ və İsrail liderlərinin telefon danışığı barədə Ağ Ev də məlumat yayıb.
Senzor.az yerli KİV-ə istinadən bildirir ki, həqiqətən də İranın hücumundan sonra ABŞ Prezidenti Co Baydenlə İsrailin Baş naziri Benyamin Netanyahu arasında ilk dəfə telefon danışığı olub.
30 dəqiqə davam edən söhbətə vitse-prezident Kamala Harris də qoşulub.
Ağ Evin mətbuat katibi Karine Jan-Pyer bildirib ki, məhsuldar danışıq zamanı tərəflər İsrailin İrana necə cavab verəcəyinə dair məsələlər də daxil olmaqla, bir çox mövzuları müzakirə ediblər.
Yeri gəlmişkən, Benyamin Netanyahunun ofisi Baş nazirin bu yaxınlarda ABŞ-ın keçmiş prezident, prezidentliyə namizəd Donald Trampla da danışdığını təsdiqləyib. Məlumata əsasən, Tramp onu İsrailin “Hizbullah”a qarşı həyata keçirdiyi əməliyyatlara görə təbrik edib.
**22:57(09.10.2024)
İsrailin Baş naziri Benyamin Netanyahu ilə ABŞ Prezidenti Co Bayden arasında telefon danışığı olub.
Senzor.az yerli KİV-ə istinadən bildirir ki, bu barədə İsrail hökumətinin başçısının ofisi məlumat yayıb.
“Baş nazir Benyamin Netanyahu ABŞ Prezidenti Co Baydenlə danışıb”, - deyə məlumatda bildirilir.
Qeyd edək ki, çərşənbə günü İsrail telekanalı Netanyahunun təxminən 50 gündür Baydenlə əlaqə saxlamadığını açıqlayıb. Qeyd olunub ki, İsrail Baş naziri 10 günə yaxındır ki, Amerika liderindən zəng gözləyirmiş.