“Milton” qasırğasından sonra ABŞ-ın Florida ştatına dəyən zərər minimum 50 milyard dollar dəyərində qiymətləndirilə bilər.
Senzor.az yerli KİV-ə istinadən bildirir ki, bunu ABŞ Prezidenti Co Bayden deyib.
"Mütəxəssislərə görə, qasırğa təxminən 50 milyard dollar ziyan vurub", - deyə ABŞ Prezidenti qeyd edib.
C.Bayden onu da qeyd edib ki, hakimiyyət Floridada enerji təchizatının bərpasına və dağıntıların təmizlənməsinə diqqət yetirir.
Qeyd edək ki, 3-cü kateqoriyaya aid olan "Milton" qasırğası oktyabrın 9-u yerli vaxtla saat 20:30-da Siesta-Ki yaxınlığında Florida ştatının qərb sahilində başlayıb. Küləyin sürəti 193 (bəzi məlumatlara görə 290-300) km/saata çatıb.
Qasırğa nəticəsində, son məlumatlara görə, azı 17 nəfərin öldüyü bildirilir.
Bu arada məlum olub ki, Co Bayden qasırğadan zərər çəkmiş Floridaya səfər edəcək.
“Bazar günü, oktyabrın 13-də Prezident “Milton” qasırğasından zərər çəkmiş əraziləri ziyarət etmək üçün Floridaya gedəcək”, - deyə Ağ Evin yaydığı məlumatda vurğulanıb.
