Ermənistan baş nazirinin müavini Mher Qriqoryan oktyabrın 17-də Rusiyaya üç günlük səfər edəcək.
Senzor.az yerli KİV-ə istinadən bildirir ki, bu barədə Ermənistan Nazirlər Kabinetinin saytında məlumat verilib.
Qeyd edilib ki, Ermənistan baş nazirinin müavini Avrasiya İqtisadi Komissiyası Şurasının iclasında iştirak edəcək.
İclasda, o cümlədən, bir sıra mallara münasibətdə idxal gömrük rüsumunun dərəcəsinin müəyyən edilməsi məsələlərinin müzakirəsi nəzərdə tutulub. Həmçinin nəqliyyat vasitələri ilə bağlı sazişin imzalanması barədə qərara da baxılacaq.
