Moldovada keçirilən prezident seçkilərinə və Aİ-yə üzvlüyə dair referenduma seçicilərin iştirakı səsvermənin və plebisitin tanınması üçün lazım olan 33,3 %-i keçib.
Senzor.az yerli KİV-ə istinadən bildirir ki, bunu Mərkəzi Seçki Komissiyasının saytında real vaxt rejimində məlumatları yeniləyən informasiya sisteminin ilkin məlumatları sübut edir.
Seçkilərdə 11 namizəd, o cümlədən parlamentin tam dəstəyinə sahib olan respublikanın hazırkı rəhbəri Maya Sandu prezidentliyə namizəddir. Onun əsas rəqibi Sandunu Rusiya ilə qarşıdurma siyasətinə görə tənqid edən keçmiş Baş prokuror Aleksandr Stoyanoqlodur. Seçkilərlə eyni vaxtda Aİ-yə inteqrasiyanın ölkənin strateji hədəfi elan edilməsi ilə bağlı referendum keçirilir.
Müşahidəçilər qeyd edirlər ki, plebisit iqtisadi böhran və müxalifətin etirazları fonunda Sandu ikinci müddətə yenidən seçilməsinə kömək etmək məqsədi daşıyır. Seçkilərin qalibi seçicilərin yarısından çoxunu toplayan namizəd olacaq. Əks təqdirdə, noyabrın 3-də ikinci tur keçiriləcək və birinci turun iki lideri üz-üzə gələcək.
**02:52
Bu gün Moldovada ölkənin Avropaya inteqrasiyası ilə bağlı referendumla yanaşı, prezident seçkiləri də keçiriləcək. Plebisit, nəhayət, Moldovanın Aİ-yə qoşulmaq niyyətini təsdiqləmək və bunu Konstitusiyada təsbit etmək məqsədi daşıyır.
Senzor.az yerli KİV-ə istinadən bildirir ki, bu il ən yüksək post uğrunda ümumilikdə 11 namizəd mübarizə aparacaq.
Bütün namizədlər yaşayış şəraitinin yaxşılaşdırılması, korrupsiya ilə mübarizə və mühacirətin sürətini azaltmaq üçün geniş proqramlar təqdim ediblər.
Lakin Moldovada siyasətçilərin adətən bölündüyü əsas meyar onların xarici siyasətlə bağlı mövqeyidir.
Buradakı sağçı siyasi cəbhəyə Maya Sandu və bu gün ölkədə hakimiyyətə nəzarət edən digər Qərbyönlü siyasətçilər daxildir.
Sol cəbhədə isə Rusiya, MDB və Avrasiya İqtisadi İttifaqı ölkələri (keçmiş SSRİ) ilə əməkdaşlığın intensivləşdirilməsinin tərəfdarı olan siyasətçilər var.
Bəs ölkədə nələr baş verir? Əhali seçkilərə hazırdırmı? Kənardan müdaxilələr necə, varmı? Ümumiyyətlə, seçkilərdən gözləntilər nədir?
Ətraflı videomaterialda:
