"Türkiyənin Şanlıurfa şəhərində 2.5 kilometr uzunluğunda Azərbaycan Bulvarı istifadəyə verilib".
Senzor.az bildirir ki, bunu Türkiyə Prezidenti Rəcəb Tayyib Ərdoğan Şanlıurfa Şəhər Xəstəxanasının açılış mərasimində deyib.
O qeyd edib ki, şəhər xəstəxanası və ona birləşən yollarla yanaşı, müxtəlif səviyyəli yol qovşağı olan Azərbaycan Bulvarı da istifadəyə verilib: “Bu gün şəhər xəstəxanası və ona birləşən yollarla yanaşı, həm də 2,5 kilometr uzunluğundakı Azərbaycan Bulvarı müxtəlif səviyyəli yol qovşağının açılışını edirik. Ümumi dəyəri 1,3 milyard lirə olan bu qovşağın Karaköprü rayonundakı TOKİ yaşayış massivləri səbəbindən yaranan nəqliyyat sıxlığını aradan qaldıracağına ümid edirəm. Bu qovşağın inşasında əməyi olan nazirliyimizi və podratçı şirkətləri təbrik edirəm”.
