ABŞ Prezidenti Donald Trampın Knessetdəki (İsrail parlamenti) çıxışı zamanı təxribat törədilib.
Senzor.az yerli KİV-ə istinadən bildirir ki, Knesset üzvləri Ayman Odeh və Ofer Kassif Trampın çıxışı zamanı "soyqırımı" yazısı olan plakat qaldırdıqları üçün zaldan çıxarılıblar.
Ayman Odeh - fələstin-israil mənşəli deputat, Ofer Kassif isə kommunist "Hadaş" partiyasını təmsil edir, fraksiyada yeganə yəhudidir.
"Bu çox təsirli idi", - deyən Tramp nitqini davam etdirib.
Xatırladaq ki, Donald Tramp 2008-ci ildən bəri Knessetdə çıxış edən ilk ABŞ Prezidenti olub. O, oktyabrın 9-da İsrail və HƏMAS rəsmiləri arasında Qəzzada saxlanılan bütün girovların azad edilməsinə dair razılaşmanı elan etdikdən sonra Baş nazir Benyamin Netanyahudan dəvət alıb.
Knessetə daxil olan Tramp jurnalistlərə açıqlamasında həm də HƏMAS-ın tərk-silah planını həyata keçirəcəyini bildirib.
