Özbəkistanın xarici işlər naziri Baxtiyor Saidov Bakıda hindistanlı həmkarı Subrahmanyam Cayşankar ilə görüşüb.
Senzor.az yerli KİV-ə istinadən bildirir ki, B.Saidov bu barədə "X" sosial şəbəkəsindəki səhifəsində yazıb.
Görüşdə XİN başçıları ikitərəfli münasibətlərin inkişafını müzakirə ediblər.
"Bakıda Hindistan Respublikasının xarici işlər naziri Subrahmanyam Cayşankar ilə görüşməkdən məmnun oldum. İkitərəfli gündəliyə dair əsas məsələləri müzakirə etdik və ən yüksək səviyyədə əldə olunmuş razılaşmaların vaxtında və səmərəli şəkildə həyata keçirilməsinin vacibliyini vurğuladıq", - Özbəkistan XİN başçısı yazıb.
Xatırladaq ki, dünən Hindistanın xarici işlər naziri Subrahmanyam Cayşankar Azərbaycanda səfərdə olub.
