Ermənistanın paytaxtı İrəvanda Azərbaycanın həbs etdiyi Ruben Vardanyana dəstək aksiyası başlayıb.
Bu barədə “Sputnik Armenia” məlumat yayıb.
Bildirilib ki, aksiyanın təşkilatçılarından biri İrəvan Dövlət İqtisad Universitetinin keçmiş rektoru Ruben Ayrapetyandır.
Qeyd edək ki, bir neçə gün əvvəl Ermənistan müxalifəti Azərbaycan hüquq-mühafizə orqanlarının Qarabağın “dövlət naziri” Ruben Vardanyanı həbs etməsinə etiraz olaraq mitinq keçirəcəyini elan etmişdi.
Təşkilatçılar qeyd edirlər ki, beynəlxalq ictimaiyyət Vardanyanı və digər həbs olunan separatçıları azad etmək üçün Azərbaycana təzyiq göstərməlidir.
