2023-cü ilin son Ay tutulması başa çatıb.
Senzor.az bildirir ki, bu barədə Şamaxı Astrofizika Rəsədxanasından məlumat veriblər.
Məlumata görə, bu qismən Ay tutulması saat 22:01-də başlayıb, saat 02:26-da isə sona çatıb. Tutulmanın maksimumu saat 00:15-də qeydə alınıb.
Qeyd edək ki, cari ilin son Ay tutulması hadisəsini Avropa, Asiya, Avstraliya, Afrika, Şimali Amerika, Cənubi Amerikanın Şimal-Şərq hissəsi, Sakit okean, Atlantik okeanı, Hind okeanı, Arktika və Antarktidada, o cümlədən Azərbaycanda da müşahidə etmək mümkün olub.
**22:16(28.10.2023)
2023-cü ilin ikinci Ay tutulması başlayıb.
Senzor.az Bakı Dövlət Universiteti Fizika fakültəsinin Astrofizika kafedrasına istinadən bildirir ki, bu, qismən Ay tutulmasıdır.
Bakı vaxtı ilə saat 22:01-də yarımkölgəli tutulma başlayıb. Saat 23:35-də qismən tutulma başlayacaq. Tutulmanın maksimumu oktyabrın 29-u saat 00:14-də baş verəcək. Saat 00:52-də qismən tutulma, saat 02:26-da yarımkölgəli tutulma sona çatacaq.
2023-cü ilin ikinci Ay tutulmasını Avropa, Asiya, Avstraliya, Afrika, Şimali Amerika, Cənubi Amerikanın Şimal-Şərq hissəsi, Sakit okean, Atlantik, Hind okeanları, Arktika və Antarktidada müşahidə etmək mümkündür. Ay tutulması Azərbaycan ərazisində də müşahidə olunur.
