"Azərbaycan mina təhlükəsindən zərər çəkən ölkələr sırasındadır".
Bunu BMT-nin rezident əlaqələndiricisi Vladanka Andreyeva “Mina təhlükəsi ilə mübarizə - partlayıcı sursatların ekosistemə təsiri” mövzusunda noyabrın 4-də parlamentdə keçirilən ictimai dinləmədə deyib.
Onun sözlərinə görə, təkcə son 3 ildə mina partlayışları nəticəsində 65 mülki insan həyatını itirib: “Vətən müharibəsindən sonra yüzlərlə azərbaycanlı mina partlayışının qurbanı olub. Dünən Tərtərdə bir nəfər mülki şəxs yenə minadan zərər çəkib. Bütün bunlar ürək ağrıdır”.
Vladanka Andreyeva vurğulayıb ki, mina təhlükəsi davamlı inkişafa, həmçinin sülhə nail olunmasına maneə törədir: “Mina təhükəsi nəticəsində nəinki insanlar həyatını itirir bu təhlükə həm də torpağa, onun münbitliliyinı mənfi təsir edir”.
Bu sahədə ANAMA-nn işini yüksək qiymətlındirən V.Andreyeva 2020-ci ildən BMT-nin təşkilat və qurumları ilə aparılan əməkdaşlıq əlaqələrindən söz açıb və xeyli işlər görüldüyünü bildirib.
