Ermənistan, Yunanıstan və Kipr xüsusi təyinatlılarının üçtərəfli birgə təlimləri keçirilib. Təlimlər Attikanın Nea Peramos bölgəsində baş tutub.
B barədə Yunanıstanın Milli Müdafiə Baş Qərargahı "X" sosial şəbəkəsində məlumat yayıb.
“Silahlı qüvvələr noyabrın 6-dan 10-dək beynəlxalq əməkdaşlığın planlaşdırılması çərçivəsində Nea Peramosda keçirilən xüsusi əməliyyat qüvvələrinin üçtərəfli birgə təlimində iştirak edib”, - məlumatda bildirilir.
Qeyd edilir ki, manevrlər zamanı çevik cavab atəşləri icra edilib, snayper atışlarının texnika və taktikası, qapalı məkanlarda döyüş, kiçik həcmli təlimlərin planlaşdırılması və keçirilməsi məşq edilib.
