Dünya birjalarında neft qiymətləri azalıb.
Senzor.az bildirir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 1,37 dollar azalaraq 77,33 dollar olub.
Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,54 dollar azalaraq 72,28 dollar təşkil edib.
Azərbaycan nefti də ucuzlaşıb. Belə ki, “Azeri Light” markalı neftin bir barelinin qiyməti 4,2 dollar və ya 4,8 faiz azalaraq 82,3 dollar olub.
Xatırladaq ki, “Azeri Light” neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.
