Dağıstanda qəfil qar uçqunu baş verib.

Senzor.az yerli KİV-ə istinadən bildirir ki, bu barədə respublikanın Fövqəladə Hallar Nazirliyinin rayon üzrə Baş İdarəsindən məlumat verilib.

“Qar uçqunu səbəbindən Dağıstanın yüksək dağlıq Tsuntinski rayonu ilə bütün nəqliyyat əlaqələri kəsilib”, - məlumatda bildirilir.

Ölənlər barədə məlumat verilməyib, detallar dəqiqləşdirilir.

Qeyd edək ki, Soçi kurortunda da qar uçqunu baş verib. Xilasedicilər altı nəfəri qar altından çıxarıblar.