Fevralın 12-də Baş nazir İrakli Kobaxidzenin sədrliyi ilə Gürcüstanın yeni hökumətinin ilk iclası keçirilib.

AZƏRTAC xəbər verir ki, bu barədə hökumət administrasiyasından məlumat verilib.

İclasda bəzi kadr məsələlərinə baxılıb. Baş nazirin birinci müavini vəzifəsinə iqtisadiyyat və davamlı inkişaf naziri Levan Davitaşvili təyin edilib. Mədəniyyət və idman naziri Tea Tsulukyani və müdafiə naziri İrakli Çikovani isə Baş nazirin müavini təyin olunublar.

Mixail Feikrişvili hökumətin Strateji Kommunikasiyalar Departamentinin rəhbəri olacaq.