Rusiyada 2022-ci ilin yazındakı çağırış kampaniyasından sonra ordudan yayınma ilə bağlı cinayət işlərinin sayı son on ilin ən yüksək həddinə çatıb.

Lenta.ru bildirir ki, bu barədə oktyabrın 2-də Moskva Şəhər Məhkəməsindən məlumat verilib.

Məlumata görə, mayın 1-dən sentyabrın 20-dək olan müddətdə məhkəmələrə hərbi xidmətdən yayınma maddəsi ilə 410 cinayət işi daxil olub.

Bundan əvvəl analoji cinayət işləri üzrə rekord 2021-ci ildə müəyyən edilib. O zaman məhkəmələrə 385 belə iş daxil olub.

O da bildirilib ki, səfərbərlik elan edildikdən sonra bir çox cinayət işləri dayandırılıb.