İndoneziya sahillərində 6,0 maqnitudalı daha bir zəlzələ qeydə alınıb.
Senzor.az yerli KİV-ə istinadən bildirir ki, bu barədə Avropa-Aralıq dənizi Seysmoloji Mərkəzi məlumat yayıb.
Mərkəzin məlumatına görə, zəlzələnin episentri Sulavesi adasındakı Palu şəhərindən 128 kilometr şimalda yerləşib. Şəhərdə təxminən 282 min nəfər yaşayır. Zəlzələnin ocağı 35 kilometr dərinlikdə olub.
Zərərçəkənlər və dağıntılar barədə məlumat daxil olmayıb. Sunami təhlükəsi elan edilməyib.
Xatırladaq ki, bundan əvvəl regionda daha iki zəlzələ baş verib: seysmoloqlar Labuan-Baco şəhərindən 161 kilometr şimal-şərqdə 7,7 maqnitudalı, həmçinin Sumatra adasında 6,9 maqnitudalı zəlzələ qeydə alıblar.
