Rusiya Prezidenti Vladimir Putin ad günündə Çeçenistan rəhbəri Ramzan Kadırova general-polkovnik hərbi rütbəsi verib.

Senzor.az yerli KİV-ə istinadən bildirir ki, bu barədə Kadırov özünün “Telegram” kanalında məlumat verib.

“Bu barədə mənə şəxsən Vladimir Vladimiroviç məlumat verdi və məni təbrik etdi. Mənim xidmətlərimə verilən yüksək qiymətə görə Ali Baş Komandanımıza sonsuz minnətdaram! Bu, mənim üçün böyük şərəfdir”, – deyə Kadırov qeyd edib.

Çeçenistan rəhbəri “ona göstərilən etimadı doğruldacağına” söz verib.

Xatırladaq ki, bu gün-oktyabrın 5-də Kadırov doğum gününü qeyd edir, onun 46 yaşı tamam olur.