ABŞ dövlət katibi Marko Rubionun Yunanıstana səfərinə qarşı Afinada etiraz aksiyası keçirilib.
Senzor.az xarici KİV-ə istinadən xatırladır ki, Rubionun Afinaya səfəri İslandiya və Portuqaliya da daxil olmaqla bir neçə ölkəyə turne çərçivəsində həyata keçirilir.
Tərəflər görüşlər zamanı ikitərəfli əlaqələrin, təhlükəsizlik və iqtisadi əməkdaşlığın gücləndirilməsi məsələlərini müzakirə edirlər.
Həmkarlar ittifaqları, tələbə birlikləri və siyasi partiyaların nümayəndələri də daxil olmaqla minlərlə insan Afinanın mərkəzində toplaşaraq Marko Rubionun səfərinə etirazlarını bildirib, ABŞ səfirliyinə doğru hərəkət edib.
Etirazçılar üzərində “Marko Rubio - arzuolunmaz qonaq” yazılmış plakatlar qaldırıb, Fələstinə dəstək şüarları, NATO, ABŞ və Avropa İttifaqına qarşı çağırışlar səsləndiriblər.
Polis etirazçılara qarşı gözyaşardıcı qazdan istifadə edib, təhlükəsizlik tədbirlərini gücləndirib.
