Gürcüstanda radioaktiv maddə, o cümlədən uran-238 ilə qanunsuz davranmaqda şübhəli bilinən Gürcüstan vətəndaşı saxlanılıb.
Senzor.az yerli KİV-ə istinadən bildirir ki, bu barədə ölkənin Dövlət Təhlükəsizliyi Xidməti məlumat yayıb.
Qeyd olunub ki, saxlanılma Əks-kəşfiyyat və Xüsusi Əməliyyatlar departamentləri əməkdaşlarının birgə əməliyyatı nəticəsində həyata keçirilib.
İstintaqın versiyasına görə, saxlanılan şəxsin uran-238-i xarici ölkə vətəndaşına 700 min ABŞ dollarına satmaq planı olub.
Faktla bağlı Gürcüstan Cinayət Məcəlləsinin nüvə materialı ilə qanunsuz davranışı nəzərdə tutan 230-cu maddəsi üzrə istintaq aparılır.
Maddə üzrə 10 ilədək azadlıqdan məhrumetmə cəzası nəzərdə tutulur.
