Gələn ilin əvvəlində Bakı Limanın ərazisində gübrə terminalının istifadəyə verilməsi gözlənilir.
Bunu "Bakı Beynəlxalq Dəniz Ticarət Limanı" QSC -nin Ümumi Yük Terminalının rəisi Kamran Cəlili deyib.
Onun sözlərinə görə, gübrə terminalında illik yükaşırma 3 milyon ton olacaq:" Terminal tikildikdən sonra saatda yükaşırma 600 ton olacaq. Əlavə olaraq, 6 min ton səpgili yükü aşırmaq mümkün olacaq".
O vurğulayıb ki, gübrələrin Orta Asiya, Qazaxıstan və Türkmənistandan gətirilməsi nəzərdə tutulur. Burada əsasən kükürd, korbamid və ammonium -nitrat gübrələrin gətirilməsi planlaşdırılır.
