Xırdalanda gənc qız itkin düşüb.
Bu barədə “Report”a onun yaxınları məlumat veriblər.
Bildirilib ki, Xırdalan şəhəri Şəfiqə Əfəndizadə küçəsi, 3 ünvanında yaşayan 19 avqust 2007-ci il təvəllüdlü Məmmədova Əsmanur Cahangir qızı martın 21-i tarixindən itkin düşüb. Ailə üzvləri qızın itkin düşməsi ilə bağlı Abşeron Rayon Polis İdarəsinə müraciət ediblər.
DİN-in Mətbuat Xidmətinin əməkdaşı Elbrus İbrahimov saytın sorğusuna cavab olaraq bildirib ki, valideynlərinin müraciəti əsasında həmin şəxs barəsində axtarış elan olunub. Onun yerinin müəyyən olunaraq ailəsinə təhvil verilməsi istiqamətində polis əməkdaşları tərəfindən tədbirlər görülür.
