Türkiyə, Səudiyyə Ərəbistanı və Pakistan liderləri tərəfindən 7 avqustda Məkkədə imzalanmış Birgə Müdafiə Sazişini təsdiq edən qanun layihəsinin mətni ratifikasiya üçün Türkiyə Böyük Millət Məclisinə (TBMM) təqdim olunub.
Senzor.az yerli KİV-ə istinadən bildirir ki, sənəd parlamentin Xarici əlaqələr komitəsi tərəfindən nəzərdən keçiriləcək və daha sonra TBMM-in plenar iclasının gündəliyinə daxil ediləcək.
Sənəddə regional sabitliyə və təhlükəsizliyə töhfə vermək üçün birgə fəaliyyətlər nəzərdə tutulur.
Türkiyə Milli Müdafiə Nazirliyi bu yaxınlarda Məkkə Müdafiə Sazişinin maddələrinin həyata keçirilməsi üçün addımların ölkə Konstitusiyasının tələblərinə ciddi şəkildə uyğun olaraq atılacağını bildirmişdi. Buraya hərbi kontingentlərin xaricə göndərilməsi məsələsi də daxildir.
