Salyanda 5 kiloqram narkotik vasitə aşkarlanıb.
Senzor.az bildirir ki, bu barədə Daxili işlər Nazirliyi Mətbuat Xidmətinin regional qrupundan məlumat verilib.
Qeyd olunub ki, Salyan Rayon Polis Şöbəsi əməkdaşlarının həyata keçirdikləri tədbirlərlə narkotiklərin qanunsuz dövriyyəsində şübhəli bilinən, əvvəllər məhkum olunmuş Fikrət Abbasov saxlanılıb.
Ondan 5 kiloqrama yaxın narkotik vasitə olan marixuana və tiryək aşkarlanıb.
Faktla bağlı cinayət işi başlanılıb. Məhkəmənin qərarı ilə F.Abbasov barəsində həbs qətimkan tədbiri seçilib.
