Türkiyə Xarici İşlər Nazirliyi (XİN) İsrailin Qəzza zolağına aviazərbələr endirməsini qətiyyətlə pisləyib və insidentin münaqişənin yeni raunduna çevrilməmişdən əvvəl dərhal dayandırılmasının vacibliyini vurğulayıb.
Senzor.az bildirir ki, bu barədə “Anadolu” məlumat yayıb.
“Biz mülki şəxslərin, o cümlədən uşaqların hücumlar nəticəsində ölməsini qəbuledilməz hesab edirik. Hücumlardan sonra bölgədə artan gərginlikdən dərin narahatıq”, - Türkiyə XİN-in bəyanatında deyilir.
Qurum qarşıduran tərəfləri təmkinli olmağa və sağlam düşüncəyə çağırıb.
Qeyd edək ki, İsrail ordusu cümə günü blokadada olan Qəzza zolağında İslami Cihad mərkəzlərinə zərbələr endirib.
Fələstin Səhiyyə Nazirliyinin məlumatına görə, Qəzzaya atılan atəş nəticəsində biri 5 yaşlı uşaq olmaqla 10 fələstinli həlak olub, daha 55 nəfər yaralanıb.
