Rusiya Prezidenti Vladimir Putin iyulun 17-nə keçən gecə Krım körpüsünün partladılmasını mənasız terror aktı adlandırıb.

Senzor.az yerli KİV-ə istinadən bildirir ki, bu barədə dövlət başçısı Krım körpüsündəki vəziyyətlə bağlı müşavirədə bildirib.

Onun sözlərinə görə, bu cinayət mənasızdır, çünki Krım körpüsü uzun müddətdir hərbi nəqliyyat üçün istifadə olunmur.

Prezident onu da vurğulayıb ki, Rusiya Krım körpüsünün partladılmasına cavab verəcək: "Əlbəttə ki, cavab olacaq. Müdafiə Nazirliyi müvafiq təkliflər hazırlayır”.