İsrailin Baş naziri Benyamin Netanyahu koalisiya hökumətinin mübahisəli məsələlərdə, o cümlədən məhkəmə islahatları ilə bağlı müxalifətə güzəştə getməyə hazır olduğunu bildirib.

Senzor.az bildirir ki, o bu barədə avqustun 6-da “Bloomberg” agentliyinə müsahibəsində açıqlama verib.

Məhkəmə islahatları ilə bağlı suala cavabında B.Netanyahu deyib ki, həssas məsələlərdə balansı gözləmək lazımdır.

Baş nazir vurğulayıb ki, o, məhkəmənin həddindən artıq “aktiv” gücü və ya qanunverici orqanın “məhkəmə tərəfindən qəbul edilmiş hər hansı qərarı ləğv etmək” qabiliyyəti kimi ifrat məqamlardan qaçmaq istəyir.

B.Netanyahu bəyan edib ki, əvvəlcə nəzərdə tutulan islahat tam həcmdə həyata keçirilməyəcək və hökumət hazırda digər addımlardan imtina edərək, yalnız hakimlərin seçimi komitəsinin tərkibinin dəyişdirilməsi üzərində işləmək niyyətindədir.