Avropa İttifaqının (Aİ) Rusiyaya qarşı 10-cu sanksiya paketi qüvvəyə minib.
Senzor.az bildirir ki, yeni paketdə Rusiyanın 87 fiziki və 34 hüquqi şəxsinə sanskiya tətbiq edilib.
Sanksiyalar paketinə Rusiyanın 10 milyard avroluq ixracının bloklanması, rusiyalı təbliğatçılar, nüfuzlu şəxslər və hərbi rəhbərlərə qarşı məhdudiyyətlər daxildir.
Bununla yanaşı, "Alfa Bank", "Rosbank", "Tinkoff Bank" sanksiyaya məruz qalıb.
Məhdudiyyətlər İranın 4 vətəndaşına, habelə "Qods Aviation Industry" şirkətinin direktoruna da şamil olunur.
Bu arada Avropa İttifaqının xarici əlaqələr və təhlükəsizlik siyasəti üzrə ali nümayəndəsi Cozep Borrel bildirib ki, “Vaqner” özəl hərbi şirkətinə qarşı 11 fiziki şəxs və 7 təşkilatın daxil olduğu ayrıca sanksiya bloku tətbiq edilib.
