Ukrayna müdafiəçiləri ötən gecə Rusiya ordusunun daha bir “Su-25” qırıcısını və 17 dronunu məhv ediblər.
Senzor.az bildirir ki, məlumatı Ukrayna Silahlı Qüvvələrinin Baş Qərargahı “feysbuk” səhifəsində yayıb.
Qeyd olunub ki, Rusiya hərbçiləri martın 6-dan 7-nə keçən gecə Ukraynanın müxtəlif bölgələrinə 50 aviasiya və 5 raket zərbəsi endiriblər: “Aviazərbə zamanı Rusiya 11 “Şahed-136” PUA-sından istifadə edib. Onlardan 9-u vurulub. Bundan başqa, ötən gecə düşmənin bir “Su-25” qırıcısı və 8 müxtəlif tip dronu məhv edilib”.
Bundan başqa, Rusiya ordusu son 24 saatda Ukraynada həm də 1060-dan çox hərbçi itirib. Bununla da müharibə başlayandan bəri Rusiya ordusunun Ukraynadakı canlı qüvvə itkisinin sayı 154 830 nəfərə çatıb.
