ABŞ Dövlət Departamenti İranın xarici işlər naziri Hüseyn Əmir Abdullahianın iki ölkə arasında məhbus mübadiləsi üzrə razılıq əldə edildiyi barədə dediklərini təkzib edib.
"Reuters" agentliyi bildirir ki, bununla bağlı Dövlət Departamentinin sözçüsü Ned Prays məlumat verib.
ABŞ-ın Milli Təhlükəsizlik Şurası da mübadilə xəbərini yalan adlandırıb.
Qeyd edək ki, bundan əvvəl Əmir Abdullahian İran və ABŞ-ın məhbusların mübadiləsi ilə bağlı razılığa gəldiklərini bildirmişdi. Qeyd etmişdi ki, ötən ilin mart ayından etibarən ABŞ ilə aparılan müzakirə nəticəsində məhbusların qarşılıqlı ekstradisiyasına dair razılıq əldə olunub və ABŞ texniki məsələləri həll etsə, mübadiə yaxın günlərdə həyata keçiriləcək.
Xatırladaq ki, hazırda İran həbsxanalarında 3 amerikalı var - bunlar Emad Şarqi, Morad Tahbaz və Siamak Namazidir.
Senzor.az
