Rəcəb Tayyib Ərdoğanla eyni ad, soyad və ata adı daşıyan 24 yaşlı Türkiyə vətəndaşı mayın 14-də keçiriləcək prezident və parlament seçkilərində iştirak etmək məqsədilə namizədliyini irəli sürüb.
Məlumatı gercekgundem.com saytı yayıb.
Türkiyənin Nevşehir vilayətindən olan Rəcəb Tayyib Ərdoğan bildirib ki, o, seçicilərin dəstəyinə ümid edir və seçiləcəyi təqdirdə qanunverici orqanda deputat kimi gənclərin maraqlarını təmsil etmək niyyətindədir.
“Mən indiki Prezidentimiz şeir dediyi üçün həbsə atılandan üç gün sonra dünyaya gəlmişəm. Prezidentimizi çox sevən atam ona dəstək olmaq məqsədilə mənə Rəcəb Tayyib adını verib”, - deyə AKP-dən deputatlığa namizədliyini verən Rəcəb Tayyib bildirib.
