Türkiyə Prezidenti Rəcəb Tayyib Ərdoğan İYİ Partiyasının başqanı Meral Akşenərin zəlzələ bölgəsindəki inşaat işləri ilə bağlı hakimiyyətə yönəlik tənqidlərinə sərt cavab verib.
Dövlət başçısı bu barədə ATV-yə verdiyi müsahibəsində danışıb.
“Yalanlara ehtiyac yoxdur, biz ediriksə, edərik, Meral xanım. Tayyib və Ərdoğan adlarına da diqqət et! Biz hər addımımızı diqqətlə atarıq! 20 illik iqtidarımız dönəmində İstanbul-İzmir magistrallarına yaxşı bax! Kocaelidə yaşayırsan, ora da diqqət et! Yalanla işin olmasın! Başını yanlış yerə vurursan, diqqət et, məni özünlə məşğul etmə!” - deyə Ərdoğan vurğulayıb.
