Ermənistan Baş naziri Nikol Paşinyanın oğlu Aşot Paşinyanın döyülməsi ilə bağlı şikayət daxil olmayıb.
“Sputnik Armenia” xəbər verir ki, bunu Ermənistan Polisinin mətbuat xidmətindən bildiriblər.
**12:29
Ermənistanın baş naziri Nikol Paşinyanın oğlu Aşot Paşinyana hücum edilib. Hadisə paytaxt İrəvanda baş verib.
Bu barədə Ermənistan parlamentinin sədri Alen Simonyan məlumat yayıb. O, “Facebook” profilində yazıb ki, insident bir neçə gün əvvəl hakim “Vətəndaş müqaviləsi” fraksiyasının üzvü Vladimir Vardanyana edilən hücumun davamı sayılır.
“Baş verən hadisələrin izləri, əminəm ki, ölkəmizin hüdudlarından kənara çıxır və mütəşəkkil təxribatlardır. Buna gecikmədən hüquqi və siyasi reaksiya veriləcək”, - deyə Ermənistan parlamentinin spikeri yazıb.
