İrəvanda keçirilən ağır atletika üzrə Avropa çempionatında iştirakdan imtina edən Azərbaycan millisi Vətənə qayıdıb.

Ağırlıqqaldıranlarımızı və federasiya nümayəndələrini gətirən təyyarə az öncə Heydər Əliyev Beynəlxalq Aeroportuna eniş edib.

Komandamızı Gənclər və İdman Nazirliyinin nümayəndələri - nazir müavini Mariana Vasileva, İdman şöbəsinin müdiri Elnur Məmmədov, idmançıların yaxınları, jurnalistlər və idmansevərlər qarşılayıblar. Azarkeşlər müxtəlif şüarlar səsləndiriblər.

Xatırladaq ki, qitə birinciliyinin dünən keçirilən açılış mərasimində ölkəmizə qarşı təxribat edilməsi - Azərbaycan bayrağının yandırılması səbəbindən ağır atletlərimiz Avropa çempionatında yarışmaqdan imtina ediblər.