Ötən sutka ərzində Rusiya ordusu Ukraynada 26 ədəd “Şahid” dronundan istifadə edib və onlardan 21-i məhv edilib.
Senzor.az yerli KİV-ə istinadən bildirir ki, bu barədə Ukrayna Silahlı Qüvvələrinin Baş Qərargahı məlumat yayıb.
Qeyd olunub ki, Rusiya ordusu son 24 saatda Ukrayna ərazisində həm də 670 hərbçisini itirib. Bununla da Rusiyanın Ukraynadakı itkilərinin sayı 184 mini ötüb.
Bunlardan başqa, son sutka ərzində Ukrayna ordusu tərəfindən Rusiyaya məxsus 2 tank, 10 zirehli döyüş maşını, 6 artilleriya sistemi də sıradan çıxarılıb.
