“Vaqner” özəl hərbi şirkətinin rəhbəri Yevgeni Priqojin Rusiya müdafiə naziri Sergey Şoyqunu Baxmuta çağırıb.
Y.Priqojin çağırışını Teleqram kanalında yayıb.
Priqojinin sözlərinə görə, Baxmutda vəziyyət ağırdır, Ukrayna ordusu cinahları yarıb: ““Vaqner”in cinahlarında düşmən bir sıra uğurlu əks-hücumlar həyata keçirib. Çətin əməliyyat vəziyyətini, eləcə də döyüş əməliyyatlarında çoxillik təcrübənizi nəzərə alaraq, gəlməyinizi xahiş edirəm. Mövcud vəziyyəti müstəqil qiymətləndirmək üçün Baxmuta gəlin”.